Presidente e Responsabile Diplomatico
- Group:
- Alto Consiglio
- Posts:
- 1,669
- Location:
- Cityprom, Piazza Indipendenza
- Status:
| |
| 1. Parola International Un parola es adoptate in Interlingua, si illo es commun al minus tres del sequente idiomas de controlo: anglese, espaniol, francese, italiano, portugese. Si le parola es commun in a pena duo de iste linguas, su existentia in germano e/o russo es decisive.
2. Alphabeto e Pronunciation Interlingua se scribe con le alphabeto latin de 26 litteras: abcdefghijklmnopqrstuvwxyz Le pronunciation in general es classic, con le sequente observationes:
Vocales Le vocales son pronunciate como in espaniol, portugese, italiano o germano moderne. a: catto, rosa, pira. e: puera, femina, ceresia i: pira, libro, si o: homine, isto, no, non u: un, puero, quaderno, russo
Consonantes c: ante e, i, y es pronunciate como /ts/ e in altere casos como /k/. g: es dur como in ganiar; sed, in le suffixo -age sona /j/ portugese o francese h: es aspirate como in anglese. r: sona como /r/ anglese (red), espaniol (caro), italiano, portugese (caro); ex: soror, mar, flor, corpo, rosa, rego, terra, correcto. w: sona como /w/ (u breve) in parolas anglese e /v/ in parolas de origine germanic. x: sona como /ks/. y: sona /i/ breve ante un vocal, ex: essayo. In altere casos sona /i/, ex: psychologia z: sona como in anglese, francese e portugese.
Digraphos ch: sona como /k/ in parolas traditional grecolatin e /sh/ in alteres casos. cc: sona /kts/ ante e, i, y ex: accento /aktsento/, occider /oktsider/ gu: sona /gw/ como in guerra, guida, ma /g/ in guitarra ph: sona como /f/, pharmacia qu: sona como /kw/, ma in le parolas que, qui e derivationes pote optionalmente sonar /ke/ e /ki/ rh: sona como /r/ th: sona como /t/. ti: non accentuate e non precedite per s, sona /tsi/ con i breve ante vocales; ex: nation
3. Accento Tonic Il non existe accentos diacritic (signos) in interlingua pro indicar le syllaba tonic. Le accento tonic es natural e historic, e in general coincide con le parolas del linguas de controllo; ex:. Africa, Atlantico, lingua, genere, articulo, europeo, Europa, centesimo, matras.
Regula General: Le accento tonic cade sur le vocal ante le ultime consonante. Le -s del plural non affecta iste regula: parola-parolas, autobus - autobuses
4. Articulos Le articulo definite es: le, es invariabile pro omne casos, generes e numeros. Le articulo indefinite es: un, es usate a pena in le singular, es invariabile pro omne casos e generes.
5. Adjectivos Le adjectivos son invariabile in interlingua pro tote le numeros, generes e casos. Le adjectivo pote venir ante o post le substantivo sin alteration del significato del substantivo . In general, le adjectivo de un o duo syllabas veni ante le substantivo.
Grado Positive Ex.: Bon die. Tres belle libros. Un femina intelligente. Un homine vetule.
Grado Comparative - equalitate: ...tanto ... como...; ex: Iste alumno es tanto intelligente como celle. - superioritate: ...plus ... que...; ex: Petro es plus alte que Claudia. - inferioritate: ...minus ... que...; ex: Claudia es minus alte que Petro.
Grado Superlative le plus ... de...; ex: Iste sedia es le plus confortabile del camera. le minus ... de...; ex: Magda es le minus alte del schola.
6. Adverbios Le adverbios derivate son formate regularmente accrescentante se -mente al adjectivo (-amente se le adjectivo termina in -c); ex: simple-simplemente, basic-basicamente.
Le grados del adverbios se forma como los del adjectivos.
7. Substantivos Numero Le plural es formate regularmente accrescentante se -s al singular, si le parola termina in vocal (a, e, i, o, u, y), o -es, si le parola termina in consonante; ex: catto-cattos, flor-flores. Le parolas estranier, o sia, cellos ancora non "interlinguisates", forma le plural como in le lingua de origine.
Generes Masculin: son parolas que nomina personas e animales del sexo masculin. Feminin: son parolas que nomina personas e animales del sexo feminin. Neutre: son parolas que nomina cosas.
Formation del feminino Le feminino es formate regularmente per le suffixos: -a, -essa e -trice. Parolas masculin terminate in: -tor, forma le feminino con: -trice; ex: actor - actrice. Parolas masculin terminate in: -o, -or, forma le feminino con: -a, -ora respectivemente; ex: catto-catta, professor-professora. Altere casos, le feminino es formate con: -essa; ex: tigre-tigressa, leon-leonessa. Il existe alcun poc parolas cuje feminino es irregular, ecce los: patre-matre, homine-femina, gallo-gallina, rego-regina, fratre-soror, oncle-amita, tauro-vacca.
Casos In interlingua solo existe le caso nominative. Vide item 11.
8. Pronomines
Tabela de Pronomines Subjective Possessive Objective Reflexive io mi tu me me tu tu te te ille su le se illa su la se illo su lo se nos nostre nos nos vos vostre vos vos illes lor les se illas lor las se illos lor los se
Le pronomines objective quando usate con prepositiones (objecto indirecte) cambia le tertie personas del singular e plural; ex: a me, a te, a ille, a illa, a illo, a nos, a vos, a illes, a illas, a illos.
9. verbos Le verbos son invariabile pro persona e numero.
Tabula del 7 terminationes Basic del Verbos Tempores Termination Modello: -a Modello: -e Modello: -i Infinitivo -r amar vender venir presente/imperativo - ama vende veni passate -va amava vendeva veniva futuro -ra amara vendera venira conditional -rea amarea venderea venirea participio presente -nte amante vendente veniente participio passate -te amate vendite venite
Nota1: le verbos cuje infinitivo termina in -ir, forma le participio presente in -iente. Nota2: le verbos cuje infinitivo termina in -er, forma le participio passate -ite. Le tempores composite son formate con le verbo auxiliar: haber e le voce passive con le verbo auxiliar: esser.
10. Numerales Le numeros son formate logicamente.
Cardinal Ordinal 0 zero 1 un 2 duo 3 tres 4 quatro 5 cinque 6 sex 7 septe 8 octo 9 novem 10 dece - 1e prime 2e secunde 3e tertie 4e quarte 5e quinte 6e sexte 7e septime 8e octave 9e none 10e decime 11 dece-un 12 dece-duo 13 dece-tres 14 dece-quatro 15 dece-cinque 16 dece-sex 17 dece-septe 18 dece-octo 19 dece-novem 11e dece-prime 12e dece-secunde 13e dece-tertie 14e dece-quarte 15e dece-quinte 16e dece-sexte 17e dece-septime 18e dece-octe 19e dece-none 20 vinti 21 vinti-un 22 vinti-duo 30 trenta 33 trenta-tres 40 quaranta 50 cinquanta 60 sexanta 70 septanta 80 octanta 90 novanta 20e vintesime 21e vinti-prime 22e vinti-secunde 30e trentesime 30e trenta-tertie 40e quarantesime 50e cinquantesime 60e sexantesime 70e septantesime 80e octantesime 90e novantesime 100 cento 101 cento un 200 duo centos 212 duo centos dece-duo 300 tres centos 353 tres centos cinquanta-tres 400 quatro centos 100e centesime 101e cento-prime 200e duo-centesime 212e duo cento dece-secunde 300e tres-centesime 353e tres cento cinquanta-tertie 400e quatro-centesime 1.000 mille 2.000 duo milles 3.000 tres milles 1.000.000 un million 2.000.000 duo milliones 1.000e millesime 2.000e duo-millesime 3.000e tres-millesime 1.000.000e un-millionesime 2.000.000e duo-millionesime
Numeros Fractionari
1/2 un medietate 1/3 un tertio (un tertie parte) 1/4 un quarto (un quarte parte) 1/10 un decimo (un decime parte) 1/12 un dece-secundo 1/100 un centesimo 1/1000 un millesimo 1/1000000 un millionesimo 2/5 duo quintos 2/10 duo decimos 3/6 tres sextos 3/14 tres dece-quartos 3/20 tres vintesimos
Operationes Arithmetic
7+4=11 septe plus quatro es (equal a) dece-un. 15-2=13 dece-cinque minus duo es (equal a) dece-tres. 5 x 6=30 cinque vices sex es (equal a) trenta. 10/2=5 dece dividite per duo es (equal a) cinque.
Expressiones Algebric
x = y x es equal a y x < y x es minor que y x > y x es major que y x >= y x es major o equal a y x <= y x es minor o equal a y
11. Prepositiones In interlingua solo existe le caso nominativo. Le substantivo si declina per medio de preposition.
- Nominativo(subjecto) e Acusativo (objecto directo): son indentificate per le ordine que illos pare in le phrase; primo veni le nominativo e le accusativo post le verbo; ex:
Nominativo Verbo Accusativo Io studia interlingua. Maria videva le professor.
- Genitivo: es expresse per le preposition de; ex:.Libro de Johannes. - Dativo: es expresse per le preposition a e alteres; ex:.Illa da le libro a Paulo. - Ablativo:es expresse per le preposition per e alteres; ex:.Maria va al schola per autobus.
Sin Movimento Illa va a Paris. Ille veni ab London. Le puero sape contar ab 1 usque 10.
Prepositiones de Movimento 1. Movimento in direction a un loco o de un loco Illa va a Paris. Ille veni de London.
2. Movimento sin Direction Determinate Le mus curre sub le lecto. Le catto salta sur le tabula. (Le mus ja es sur le tabula e salta sur illo). Le homine cammina in le domo. (Le homine es in le domo e camina de un latere a altere).
3. Movimento Directionate per Preposition Le mus curre a sub le lecto. Le mus curre de sub le lecto. Le catto salta a sur le tabula.Le catto salta de sur le tabula. Le homine cammina a in (entra) le domo. le homine cammina ex le domo. (ex=de in).
12. Parolas Estranier Parolas estranier o parolas ancora non "interlinguisate" debe esser scripte sin alteration e su pronunciation debe esser plus o minus equal al lingua de origine. Si le lingua non usa le alphabeto latin, como per exemplo: russo, chinese, arabe, japonese, etc., le parola debe esser transcripte secundo le sonos del alphabeto de interlingua, excepte si le parola ja es internationalmente cognoscite per altere fontes, ex: Kung Fu, Tao Te Ching, I Ching, kimono, Buddha, dharma, etc.
Edited by Dan Comma - 27/5/2011, 08:41
|