Dan Comma |
|
| Un vice le molbos expectava un attacco del inimico. Illes habeva specialmente timor pro le campana del ecclesia. Isto illes voleva salvar.
Con grande difficultates illes removeva le campana ab le turre del ecclesia. Ma ubi poteva illes celar lo, assi que le inimico non lo trovarea? Illes pensava multo e decideva abassar le campana in le mar. Alora illes portava le campana pesante a un grande barca. In un certe distantia del costa illes lo jectava in le mar.
Alora un molbo diceva:
"Ora le campana es celate pro le inimico, ma como va nos trovar lo de novo, quando le inimico ha disparite?".
"Ah, si" diceva un del alteres, qui pensava, que ille esseva le plus intelligente, "nos face un marca".
Imediatemente ille prendeva su cultello e secava un marca in le latere del barca, ab le qual illes habeva jectate le campana.
"Ci," ille diceva, "esseva le loco, al qual nos lo jectava".
E satisfacite con le action del die illes retornava a casa.
VOCABULARIO
inimico: non un amico
haber timor: esser nervose
celar: facer disparer
abassar: movere a basso
secar: usar un cultello
Mols es un parte geographic del peninsula danese Jutlandia. Mols es ric de collinas. Le habitantes de Mols es appellate molbos e es consierate un poco stupide per le daneses. assi existe multe historias del molbos.
|
| | |
