bobby151169 |
|
| Un estate, quando le cereal stava alte al agro, le molbos habeva le visita de un ciconia. Illo se habeva facite le mal costume de ambular de un latere al altere sur le agro pro capturar ranas. E isto esseva un cosa seriose, nam le molbos habeva grande timor que illo fullarea tote le cereal del agro. Illes discuteva longemente como chassar lo via. Al fin illes esseva de accordo que le pastor debeva ir inter le cereal e expeller le ciconia. Ma justo quando ille esseva preste a entrar inter le cereal, le molbos discoperiva que le pastor habeva grande pedes large. E alora illes habeva timor que ille fullarea plus de cereal que le ciconia. Que facer ora? – finalmente un de illes habeva un bon idea. Iste molbo proponeva que on deberea portar le pastor inter le cereal, alora ille non poterea fullar le cereal. Isto esseva un bon consilio, omnes pensava. Pro isto illes iva pro remover le barriera de entrata al agro. Illes placiava le pastor sur illo. E alora octo homines le portava inter le cereal a fin que ille poteva chassar le ciconia via. In iste maniera le pastornon del toto fullava cereal con su grande pedes.
ambular: vader, ir capturar: prender haber timor: esser nervose fullar: facer platte per vader sur illo expeller: remover barriera: le porta al agro non del toto: absolutemente non
|
| |